Xurxo Abuín, portavoz e presidente do colectivo veciñal do Souto, explicou tras asistir a pasada semana ao Concello, que o exposto é «absolutamente insuficiente» e aclarou que xa están traballando nunha proposta propia, que será entregada ás autoridades locais nos próximos días. A agrupación veciñal baralla a data do próximo venres día 6 de febreiro como a idónea para reunirse e unificar criterios, xa que o documento que salga dese acto favorecerá á parroquia. Abuín baralla a opción de realizar unha asemblea con todos os veciños -socios e non socios da A.VV. O Souto- ao entender que o que presentou o goberno local «é pouco máis que un plano de situación para empezar a traballar».
Desde Ravella seguen sostendo que «as obras iniciaranse este mesmo ano» aínda que aínda faltan por aclarar e perfeccionar moitos dos puntos expostos nese avance.
Esta proposta municipal céntrase en «unha zona de esparexemento, un parque infantil, un aparcadoiro para máis dunha vintena de vehículos, que poderían albergar os camións que habitualmente empregan as orquestras nas verbenas».
Os veciños de Rubiáns, ademais, queren insistir en que a única razón pola que non se acudiron todos os colectivos existentes na parroquia na reunión desenvolvida a pasada semana nas dependencias municipais, é que «eses veciños síntense totalmente representados pola asociación de veciños do Souto».

(Fuente: Roi Palmás, La Voz De Galicia)
(Foto: "A alcaldesa presentou o proxecto aos veciños o venres", Martina Miser)